وداعاً للكرف والشغل اللي ماينتهي

اذا بيتك شقة ومايجونكم ضيوف بكثره وماعندك شغاله اذن انت مثلي تعالي اقولك على امور بعدها تودعي التعب والكرف اللي ماله داعي وفري قدر الامكان:غسالة ونشاف تومتيك مهمه جدا والنشاف يطلع اغلب الملابس مكويه واللي يحتاج كوي على الكواي ومع الغساله مافي هم اسمه غسيل.
ــ مكنسه مولينكس الصغيره بدون سلك [شحن]ممتازه للحتاحيت ,ولاطراف الكنب , ومريحه جدا لشفط الشبابيك,طبعاً لاتخلي الشبابيك شهور والتراب متراكم ولاصق بعدين تقولين ماتشفط زين.
ــ اوفرملاعق وكاسات فلين و الصحون البلاستيك بكل احجامها عشان ياكلوا الاولاد فيها بعد مايبرد الاكل وعشان الخلط وقت الطبخ,والتقطيع السلطه والخضار واللحمه وارمي على طول.
ــوفي بخاخ مكتوب عليه ديتول معقم ومنظف المطابخ ممتاز للمسح اليومي لدواليب المطبخ ,ومسح الفرن بعد الطبخ ينظف وريحته تحسسك بالنظافه مااستغني عنه ابدا[يستخدم زي طريقة ملمع القزاز]راحه بلا صابون بلا هم.
ــ مناديل رول للمطابخ الحجم الاقتصادي لمسح كل شي فرن و.........وارمي.
شكلي باسميها قائمة ارمي
ـ عاد هذي من بنات افكاري اشتري منشفه كبيره ومن الرخيصه واذا بأمسح الاثاث او شي انكب على الارض اقص قطعة صغيره وامسح وارمي<<<<<<الحاجه ام الاختراع
ــ الدجاج اشتريه والجزار يقطعه ارباع وانصاف, ودجاج الخالي العظم اشتريه بالكيلوا وخليهم يقطعونه شي لشورما وشي مفروم وانت عليك تقسمي بأكياس بالله ايش رايكم بالراحه.
ــ الاطفال اهم شي لايمشون وياكلون ولازم يتعلمون التعاون و الترتيب لا تقولوا صغار يرتبوا العابهم ويرجعوا ملابسهم وزي كذا.
ــ هذا غير فوايد غسالة الصحون البنات يمدحونها بس انا ماستخدمتها.
تصدقون اني الاقي في السوبر خضار مقطعه للايدامات وشي محفور للمحاشي بس مااخذها.
ــوعشان دق الثوم اوالزنجبيل الطازج/حطيهم بكيس لحمه ودقيهم بمطرقة اللحم ولاتوصيخ مواعين ولاشي<<<<<<<ترى هذا الاختراع الثاني لي